Agora que estamos en Nadal a piques de rematar o
ano agárdannos moitos días de xuntanza en familia, a carón dunha boa mesa con
comidas e bebidas de pracer, polo que non estaría por demais recordar algúns
refráns,( di -cese de eles que teñen moito de certo).
Ano novo e viño novo non
manteñen.
Comer e beber
botan a casa a perder,
dormir e folgar
pódena esborrallar.
Por beber medio netiño
e comer media tallada
nunca se perdeu nada.
A carne pon carne
o pan pon a panza
e o viño guía a danza.
Alegria, alegrote
que hai viño na cuba e
chourizos no pote.
A pouca comida
pouca bebida.
O comer e o beber non
queren presas.
O pan con ollos, o
queixo cego,
e o viño anexo.
Pan, con fartura,
e viño con, mesura.
Pan de onte
carne de hoxe
e viño de antano
manteñen ó home sano.
Pan, que sobre,
carne que abonde,
viño que non falte,
e alegria que abaste.
Quen ben come e ben
bebe
fai o que debe.
Con auga e con aire
non convides a naide.
Boas festas
